Алтынньы 28 күнүгэр «Аарык» сынньалаҥ киинигэр комсомол күнүгэр аналлаах «Эпоха ВЛКСМ» выпустар икки ардыларыгар интерактивнай күрэх буолан ааста.
Араас сылларга бүтэрбит выпустар 3 киһилээх хамаанда туруорунан кытыннылар: бастакы хамаанда (2010-2014 сс) «Пионеры»; иккис хамаанда (1999-2004 сс) «Дружба»; үһүс хамаанда (1994-1998) «Доҕордоһуу»; төрдүс хамаанда (1993-1989 сс) «Молодая гвардия» диэн ааттаннылар.
Күрэхпит 6 түһүмэхтэн турбута: 1 — хамаанда аатын суолун билиһиннэрии; 2 — биллэр комсомолецтар мэтириэттэрин сөпкө таайыы; 3 — ырыаны таайыы; 4 — боппуруостарга эппиэттээһин; 5 — ыһыллыбыт хартыынаны сөпкө булан ууруу: 6 — эҕэрдэ нүөмэр.
Уопсай күрэх түмүгүнэн кыайыылааҕынан МОЛОДАЯ ГВАРДИЯ хамаанда буолла, иккис бочуоттаах миэстэҕэ ПИОНЕРЫ, үһүс миэстэ — ДРУЖБА хамаанда.
Бу күрэххэ ыччат кыттыыны ылбыта саамай сөптөөх. «Комсомол» үрдүк аата үйэлэргэ умнуллубатын, көлүөнэттэн көлүөнэҕэ аатыра турдун!
Светлана Дмитриева