Ахсынньы ый 19-21 күннэригэр Сунтаар улууһугар бокса тэриллибитэ 65 сылыгар уонна үтүөлээх тренер, учуутал Яков Афанасьевич Васильев 90 сааһыгар аналлаах боксаҕа өрөспүүбүлүкэтээҕи турнир буолан ааста.
Күрэххэ Ньурба, Сунтаар, Бүлүү, Дьокуускай, Өлөөн улуустарыттан 125 эдэр боксердар кыттыыны ыллылар.
Өлөөн улууһуттан Лаврентий Сизых (54 кг, 2011-2012 с.т.), Новгородов Айаал (54 кг, 2009-2010 с.т.) кыайыылаах аатын ыллылар. Онтон Арслан Изиев (32 кг) 2013-2015 с.т. оҕолорго үһүс миэстэни ылары ситистэ.
Маны сэргэ Арслан Изиевкэ «Кыайыыга дьулуурун иһин» анал бириис туттарылынна.
Оҕолору уонна тренердэри Иннокентий Николаевы, Айлен Васильевы, Дмитрий Болтунову, төрөппүттэри итиитик-истиҥник эҕэрдэлиибит!