Российскай Федерация Президенин быыбара Саха сиригэр түмүктүүр биэтэккэ таҕыста. Быыбар тиһэх күнүгэр Өлөөн улууһугар кыттыы көрдөрүүтэ хайдах эбитий?
Бүгүҥҥү күн 15-00 чаастааҕы туругунан улуус үрдүнэн 1894 киһи куоластаабыт, ол эбэтэр уопсай быыбардааччы ахсааныттан 94,94 бырыһыана.
Быыбарга ордук көхтөөх кыттыыны, өрүү да буоларын курдук, Солоҕоон нэһилиэгин олохтоохторо көрдөрдүлэр. Ол курдук, Ээйиктээҕи 488 №-дээх быыбардыыр учаастакка испииһэккэ киирбит 132 киһи бары куоластаан, көрдөрүү 100% буолла.
Улуус киинин олохтоохторо эмиэ бары кэриэтэ куоластаатылар. Бэйэлэрин бырааптарын туһанан куоластаабыт киһи ахсаана Өлөөн быыбардыыр учаастагар 1226 киһиэхэ тэҥнэстэ, бу быыбардааччы уопсай ахсааныттан 99,84 % тэҥнэһэр.
Харыйалаахтааҕы 486 №-дээх быыбардыыр учаастакка 305 киһи куоластаата (91,87%), Дьэлиҥдэтээҕи 487 №-дээх быыбардыыр учаастакка 231 киһи (76,24%).
Николай СТРУЧКОВ