Өлөөннөөҕү территориальнай быыбардыыр хамыыһыйа бэрэссэдээтэлэ Александр Васильев иһитиннэрбитинэн күнүс 12 чаас бириэмэҕэ улуус үрдүнэн быыбардааччы 48,8 % номнуо куоластаата.
Биирдиилээн быыбардыыр учаастактары ылан көрөр буоллахха: Өлөөннөөҕү 485 №-дээх быыбардыыр учаастакка 1228 быыбардааччыттан 680 киһи кытынна, ол эбэтэр 55,4 %; Харыйалаахтааҕы 486 №-дээх быыбардыыр учаастакка 332 быыбардааччыттан бэйэтин быраабынан 103 киһи туһанна, ол эбэтэр 31,0%; Дьэлиҥдэтээҕи 487 №-дээх быыбардыыр учаастакка 303 быыбардааччы баарыттан 119 киһи куоластаабыт, ол эбэтэр уопсай ахсаантан 39,3%; Ээйиктээҕи 488 №-дээх быыбардыыр учаастакка 107 быыбардааччыттан 60 киһи куоластааһыҥҥа кыттан, көрдөрүү 56,0 % тиийбит.
Николай СТРУЧКОВ