Саха сиригэр Российскай Федерация Президенин быыбарын иккис күнэ түмүктэннэ. Өлөөн эбэҥки национальнай оройуонугар быыбар иккис күнэ хайдах аспытын туһунан улуустааҕы территориальнай быыбар хамыыһыйата биллэрдэ.
Ол курдук, бүгүҥҥү күн киэһэ 20-00 чааска биллибитинэн, улуус үрдүнэн икки күн устата 1841 киһи куоластаабыт, ол эбэтэр уопсай быыбардааччы ахсааныттан 92,28 бырыһыана.
Биирдиилээн быыбардыыр учаастактарынан ылан көрөр буоллахха:
Өлөөннөөҕү 485 №-дээх быыбардыыр учаастакка 1214 киһи (98,86 %);
Харыйалаахтааҕы 486 №-дээх быыбардыыр учаастакка 279 киһи (84,0%)
Дьэлиҥдэтээҕи 487 №-дээх быыбардыыр учаастакка 225 киһи (74,2%)
Ээйиктээҕи 488 №-дээх быыбардыыр учаастакка 123 киһи (93,1%).
«Сардаҥа» хаһыат эрэдээксийэтэ Ээйиктээҕи быыбардыыр учаастак көрдөрүүлэрин быһаарарга биэрэргэ Өлөөннөөҕү территориальнай быыбар хамыыһыйатыттан көрдөстө.
Өлөөн оройуонун территориальнай быыбар хамыыһыйатын бэрэссэдээтэлэ Васильев А.П.:
— Быыбар саҕаланарыгар Ээйик быыбардыыр учаастагар испииһэккэ 107 быыбардааччы киирэн турар этэ. Бүгүн испииһэккэ киирбэтэх дьон учаастакка кэлэн куоластаатылар, онон Ээйиккэ уопсай куоластаабыт киһи ахсаана билиҥҥи туругунан 123 киһиэхэ тэҥнэстэ. Испииһэккэ киирэ сылдьар эрээри, быыбарга кытта илик дьон кэлэн куоластаатахтарына, сарсын бу сыыппаралар уларыйыахтарын сөп.
Николай СТРУЧКОВ