Бу дьыл бэс ыйын 8 күнүгэр Өлөөн сэлиэнньэтигэр үөрэх оройуоннааҕы салаатын былаанынан үлэлэрин саҕалаабыт 7 оҕо сайыҥҥы сыньылыҥын лааҕырдарын үөрүүлээхтик арыйыы тэриллэн ыытылынна.
Х.М. Николаев аатынан орто оскуола былаһааккатыгар дохсун музыка доҕуһуолунан лааҕырдар 175 иитиллээччилэрэ үөрүүлээх көрүүгэ хааман киирэллэр. Российскай Федерация, Саха Өрөспүүбүлүкэтин, Өлөөн эбэҥки национальнай оройуонун гиминнэрин истии кэнниттэн үөрүүлээх тэрээһин үөрэх оройуоннааҕы салаатын начальнигын солбуйааччы Дария Семенова эҕэрдэ этиитин саҕаланар.
Салгыы оҕо сынньалаҥ лааҕырдарын көрүү саҕаланан бастакынан “Первые” оҕо сынньалаҥ лааҕырын иитиллээччилэрэ Андреева Айталина, Андреева Алия салалталарынан эҕэрдэ этиини оҥороллор. Мантан салгыы оҕо сайыҥҥы сынньалаҥын лааҕырдарын хамаандалара биир-биир маршевай музыка доҕуһуолунан хааман киирэн рапорт биэрэллэр. Ол курдук, “Арт каникулы” (салайааччы Сергеева И.Я.), “Дюг-Арт” (салайааччы Гоголева Т.В.), “Меван” (салайааччылар Татаканова В.В., Тимофеева А.В.), “Вымпел” (салайааччы Николаев А.А.) “Дылачакан” (салайааччылар Стручкова Л.Н., Афанасьев М.А.), “Волонтер” (салайааччы Корякина С.Р.) лааҕырдар иитиллээччилэрэ көрүүгэ кытыннылар.
Дьоллоох оҕо саас сылыгар үөрүүлээхтик арыллыбыт сайыҥҥы оҕо сынньалаҥын лааҕырдарын үөрүүлээх тэрээһинигэр киэһэ өргө диэри ньиргийэн иитиллээччилэри билиигэ-көрүүгэ угуйда.
Николай СТРУЧКОВ