Өлөөн эбэҥки национальнай оройуонун муниципальнай тэрээһинин уурааҕынан бу сыллааҕы кырдьаҕастар күннэрин бэлиэтээһин оро-йуон бары нэһилиэнньэлээх сэлиэнньэлэрин хабан балаҕан ыйын 30 күнүттэн алтынньы ый 8 күнүгэр диэри ыытыллар буолла.
Кырдьаҕастарга аналлаах декада бу дьыл балаҕан ыйын 30 күнүгэр Өлөөн сэлиэнньэтинээҕи А.С.Иванов аатынан этнокултуурунай кииҥҥэ «Мин сааһым — мин баайым» диэн бэтэрээннэр үөрүүлээх баалларынан саҕаланна. Үөрүүлээх тэрээһин кыттыылаахтара бырааһынньыктыы киэргэтиллибит этнокултуу-рунай киин улахан саалатыгар оройуон култуураҕа уонна духуобунай сайдыыга управлениетын салайаачыта Надежда Николаева салалтатынан дьиэрэҥкэй ырыатын доҕуһуолунан параадтаан киириилэринэн саҕаланна.
«Мин сааһым — мин баайым» кырдьаҕастар күннэригэр аналлаах баалы иилээн-саҕалаан салайан ыытта судаарыстыбаннай сулууспа бэтэрээнэ Вера Ларионова.
Үөрүүлээх тэрээһин кыттыылаахтарын итиитик-истиҥник эҕэрдэлээтилэр оройуон баһылыгын социальнай боппуруостарга солбуйааччы Туяра Павлова, оройуон бэтэрээннэрин Сэбиэтин бэрэссэдээтэлэ Валентина Гаврильева, социальнай харалта управлениетын начальнига Туяра Колодезникова, киһи быраа-бын көмүскүүр боломуочунайа Зоя Григорьева уонна да атын уопсастыбаннай бэрэстэбиитэллэр.
Үөрүүлээх тэрээһин бириэмэтигэр «Кросс нации — 2023» актыыбынай кыттыы-лаахтарын улахан бөлөҕөр махтал суруктары туттарыы тэриллэн ыытылынна.
Салгыы, бу сыллааҕы кырдьаҕастар баалларыгар оройуон култуураҕа салаатын сайдыытыгар улахан үтүөлээх, өрөгөй ырыатын ааптардарыттан биирдэстэрин, Саха Өрөспүүбүлүкэтин култууратын үтүөлээх үлэһитин Владимир Иннокентьевич Захаров 85 сааһын кэрдиис кэмэ туолбутун кэриэстээн бэлиэ тэрээһин тэриллэн ыытылынна.
Өр сылларга Владимир Иннокентьевич бэриниилээхтик, ситиһиилээхтик үлэлээбит оҕо музыкальнай оскуолатын кэлэктиибэ кэриэстэбил кэнсиэрин бырагырааматын туруорда. Уус-уран самодеятельность актыыбынай кыттыылааҕа Владимир Иннокентьевич кыыһа Наталья Владимировна оройуон дьаһалтатын, култуура оройуоннааҕы управлениетын уонна оҕо музыкальнай оскуолатын кэлэктииптэригэр кини төрөппүттэрин бэлиэтээн бэлиэ тэрээһини тэрийбиттэрин иһин махталын биллэрдэ.
Кырдьаҕастар күһүҥ-ҥү бааллара бэрт тэрээһиннээхтик ыытыллан аҕам саастаах оройуон олохтоохторун үөрүүлэрин үксэттэ, олох сайдарыгар эрэллэрин үрдэттэ.
Николай СТРУЧКОВ.