Хас биирдии киһи үөһэттэн ураты аналлаах орто дойдуга кэлэр дииллэрэ сөп этии. Саҥа төрөөбүт оҕо дьоҕура, талба-талаана, олоҕо хайдах сатабыллааҕа Сырдык Күүс уурааҕар суруллубутунан саҕаланар. Кэнники улаатан, ситэн-хотон, киһи буолан дьылҕа киниигэтигэр суруллубут суолун таба тутан сорох сөпкө хардыылыыр, сорох хойут батар; хомойуох иһин, олоҕун устатын-туоратын соннук булбакка, өйдөөбөккө бараахтыыр дьон эмиэ баар.
Биһиги учууталларбыт бары бэйэлэрин суолларын туох да күчүмэҕэйэ суох, сиирэ-халты туттубакка булбут дьон. Маннык идэлээхтэртэн биирдэстэрэ Полина Петровна Семенова буолар. Кини быраас буолуохтаах киһи эрдэттэн санаата уларыйан математик учуутал идэтин баһылаан, билигин Өлөөн оройуонун ытыктанар учуутала буолар. Баҕар быраас буолан, элбэх дьон доруобуйатын, тыынын быыһаабыт маҕан халааттаах аанньаллар быыстарыгар сылдьыа эбитэ буолуо. Ол эрээри, дьылҕатын киниигэтигэр хайдах суруллубутунан суола барбыта ордуга билигин көстөр.
Полина Петровна, 1955 сыл олунньу ыйын 6 күнүгэр Уус-Алдан оройуонун Бээрийэ нэһилиэгэр элбэх оҕолоох дьиэ-кэргэҥҥэ үһүс оҕонон төрүүр. 1968 сыллаахха, аҕатын Ээйик колхуоска кылаабынай бухгалтер дуоһунаһыгар аныыллар. Инньэ гынан, 6-с кылааска үөрэнэ сылдьан дьонун кытта Өлөөҥҥө көһөр.
Бу туһунан учуутал маннык ахтар: Ол сыл муус устар 12 күнүгэр 10 буолан Өлөөҥҥө тиийэбит: аҕалаах ийэбит уонна 8 оҕо. Улахан убайым 9-с кылаас үөрэнээччитэ, алын быраатым 8 ыйдаах оҕо. Тиийээппитин улахаттары интэринээккэ киллэрэллэр, кырачааннары төрөппүттэрин кытта гостиницаҕа олордоллор.
Ол курдук, күн-түүн ааһан, бириэмэ тэтимнээхтик сүүрэн 1972 сыл үүнэр. Бу сыл математик кэскиллээх кыыс Өлөөн орто оскуолатын ситиһиилээхтик бүтэрэн М.К. Аммосов аатынан Саха судаарыстыбаннай университетыгар медиссиинэ салаатыгар туттарсан киирээри гынан баран, биллибэт күүс тохтотон, суолун хайысхатын уларытан кэбиһэр.
Ээйиктээҕи оҕо уһуйааныгар иитээччинэн үлэлии түһэн баран, чиҥ наукаларга тардыылаах буолан, физика уонна математика факультетыгар киирэн үрдүк үөрэҕи баһылыыр. Ол курдук, үөрэҕин бүтэрэн, эдэр математик учуутал Ээйик 8 кылаастаах оскуолатыгар кэлэн үлэтин саҕалыыр. Үлэлии сылдьан түөрт сыл иһигэр завучтаан баран дириэктэринэн ананар.
Ыал буолан, оҕо төрөтөн баран 1985 сыллаахха Өлөөҥҥө көһөн кэлэн, оччолортон саҕалаан быйылга диэри, 40-ча сыл устата идэтин суолуттан түүрүллүбэккэ үлэлээн кэллэ.
Учууталлар учууталларын билиитин-көрүүтүн тирэх оҥостон, сүбэтин-аматын ыһыктыбакка илдьэн сылдьан элбэх оҕо чиҥ наукалары таптаан, ытыктаан бэйэлэрэ учуутал буолан, билигин Полина Петровна сырдык санаатын кэлэр кэскилгэ сыһыаран, үллэстэн, үөрэтэ-такайа сылдьаллар. Ол туоһутунан, араас бириэмэҕэ үөрэммит оҕолорун ахтыылара буолаллар:
Людмила Бенчик (1993 выпуск): Школьные годы для каждого — незабываемый этап долгой жизни, когда ребенок начинает для себя открывать этот интересный и увлекательный мир. Именно в школе мы начинаем взрослеть, учимся сосуществовать с другими. А знания, которые мы получаем — залог успешного становления в дальнейшем в профессиональном поприще. Учитель — благородная, но в то же время очень тяжелая профессия, которую ни каждый осилит и осмелится выбрать. Именно учитель является самым важным человеком, от которого зависит успешная социализация и развитие как личности подрастающего поколения. Только педагог с богатым внутренним миром, широкой душой и любящим сердцем сможет воспитать человеческие ценности помимо успешного обучения школьной программе. 
Наш озорной и беспокойный класс учили в то время очень преданные своему делу педагоги. Одной из таких является Полина Петровна Семенова. Пусть некоторые наши одноклассники учились с не очень большим энтузиазмом, но мы все чувствовали ее материнское тепло и мягкосердечность, которое от нее исходило. В итоге в какой-то степени это расслабляло дисциплину класса. Наверно это должно было быть именно так, ведь чужих детей не бывает. Спустя столько лет мы вспоминаем и поражаемся стойкости и терпению хрупкой женщины, которая старалась научить, если можно выразиться «со слезами на глазах» сложной науке — математике. Хотя мы не состоялись как математики, но все же азы этой науки — наши спутники по жизни. Наш выпуск поздравляет от всей души уважаемую Полину Петровну с годом учителя и наставника. Желаем успехов в педагогической деятельности, крепкого здоровья, неиссякаемой энергии, творческих полетов, семейного благополучия, любви и внимания в кругу родных и близких.
Гаврил Дмитриев (2000 выпуск): Биһиги дьиэ кэргэн 1996 сыллаахха Дьэлиҥдэ бөһүөлэгиттэн Өлөөҥҥө көһөн кэлбиппит. 7-с кылаастан Өлөөн орто оскуолатыгар үөрэнэ киирбитим. Клара Семеновна, Полина Петровна, Вера Семеновна, Мария Спиридоновна, Любовь Иннокентьевна, Евдокия Ильинична уо.д.а. биһиги кылааспытын үөрэппиттэрэ. Оҕо-оҕо курдук хас сынньалаҥ аайы мэниктиир, оонньуур этибит, билигин санаан көрдөххө олох мэник кылаас эбиппит. 
Бу маннык мэник оҕолору кылаас салайааччыннан Полина Петровна ылбыт этэ, 11-с кылааһы бүтэриэхпитигэр дылы салайан үөрэппитэ. Полина Петровна математикаҕа, алгебраҕа, геометрияҕа олус үчүгэйдик үөрэппитэ. Туох баар кыһамньытын, сырдык ис санаатын ууран туран салайан, үөрэтэн илдьэ сылдьыбыта. Куруук араас оскуола тэрээһинигэр барытыгар ситиһиилээхтик кыттар этибит. Оскуолабытын ситиһиилээхтик бүтэрбиппит, араас үөрэххэ туттарсан киирэн, этэннэ үөрэнэн идэлээх дьон буолбуппут учууталбыт өҥөтө. Билигин, мин дойдум сайдарын туһугар үлэлии-хамныы сылдьабын. Биһиги, 2000 сыллаах выпустар тапталлаах оскуолабытын, биһигини үөрэппит учууталларбытын куруук ахта-саныы сылдьабыт. Полина Петровнаҕа, махталбыт муҥура суох.
Анастасия Христофорова (2001 выпуск): Полина Петровна Семенова, миигин математика5а угуйбут, үөрэппит учууталым мин физика учуутала буоларбар улахан оруолу оонньообута. Оскуоланы бүтэрэн бараммын, үөрэххэ киирэрбэр, математиканы уонна физика экзаменнарын ситиһиилээхтик туттаран, саамай үрдүк баалы математикаҕа ылан физико-техническай институтка киирбитим. 2001 сыллаахха бүтэрээччи оҕолортон, мин уонна Струкина (Павлова) Мария чиҥ наукаҕа учуутал үрдүк аатын ыла сылдьарбытыгар Полина Петровна төһүү күүс буолбута. 
Физика математиканы кытта ыксары сибээстээҕинэн, оскуолаҕа математикаҕа үөрэнэн ылбыт билиилэрбин билиҥҥээҥи диэри үлэбэр туһана сылдьабын. Полина Петровнаҕа, Учуутал уонна Аҕа Сүбэһит сылынан итии-истиҥ эҕэрдэбин Сунтаар улууһуттан ыытабын! Ахтабын-саныыбын, бары үчүгэйи баҕарабын!
Үөрэппит оҕолорун ахтыыларын, үлэлэрин сүтэрбэккэ харыстаан, сиргэ-буорга түһэрбэккэ бэрийэн илдьэ сылдьара хас биирдии үөрэнээччитигэр ийэлии сыһыаннааҕын бэлиэтэ бу буолар.
Билигин, Полина Петровна элбэх сиэн амарах эбээтэ — төһө да оҕолору үөрэтэр учуутал үрдүк иэһин толорон бүтэн, Өлөөн үөрэҕириитин систиэмэтигэр атын дуоһунаска үлэлээн-хамнаан — билии эйгэтигэр бэйэтин кылаатын киллэриитин эрчимнээхтик салҕыы сылдьар. 