Бу дьыл алтынньы ый 26 күнүгэр Кирбэй нэһилиэгэр биир дойдулаахпыт, оҕобут, эйэлээх олох туһугар бэйэтин олоҕун толук уурбут, анал байыаннай дьайыы кыттыылааҕа Тихонов Сахайаан Александрович сырдык кэриэһигэр анаан Кыайыы болуоссатыгар мемориальнай дуосканы арыйыы түгэнэ буолан ааста.
Улахан дьоннуун, кыра оҕолордуун, эдэр ыччаттыын нэһилиэк олохтоохторо бука бары кэлэн тыл эттилэр, чүмэчи уурдулар, төрөппүт ийэтигэр, чугас дьонугар сүгүрүйэн туран оҕону иитиигэ махтал тылларын эттилэр.
Иэдээннээх сэрии тохтоотун! Оҕолорбут этэҥҥэ төрөөбүт дойдуларыгар эргиллэн кэлэллэрин айыылартан көрдөһөбүт!!!
Татьяна Петровна Семенова, 3 №-дээх “Гарпалин” түөлбэ.