Бу дьыл атырдьах ыйын 29 күнүнээҕи туругунан оройуон тыатын хаһаайыстыбатын управлениетын түммүт сибидиэнньэтинэн оройуон үрдүнэн былааннаах 178,0 туонна оту бэлэмниир оннугар 106,1 туонна от кэбиһиллэн былаан 59,6 бырыһыан эрэ толоруллан иһэр. Ааспыт 2023 сыл туһааннаах кэмигэр 112,0 туонна от кэбиһиллэн былаан 63,2 бырыһыан толоруллубут эбит.
Биирдиилээн нэһилиэктэринэн ылан көрөр буоллахха оройуон таһымыгар элбэх төбө сүөһүлээх, сылгылаах Солоҕоон национальнай нэһилиэгэ (баһылык э.т. Кучарова Е.Г.) 163,0 туонна от бэлэмниир былааннааҕын бу күннээҕи туругунан 94,1 туонна оту кэбиһэн былаанын 57,7 бырыһыан эрэ толорон иһэр. Ааспыт 2023 сыл туһааннаах кэмигэр Солоҕоон нэһилиэгэр 102,0 туонна оту кэбиһэн былаанын 63,7 бырыһыан толорон испиттэр.
Бу дьыллааҕы оту бэлэмнээһин эппиэттээх үлэтигэр «Эйик» СХППК (салайааччы Степанов Л.Л.) от хомууругар аҕыйах үлэһит күүһү туруорбутун түмүгэр 113,0 туонна оту бэлэмниир былааннааҕын оннугар 68,1 туонна оту эрэ кэбиһэн былаантан 60,2 бырыһыан эрэ толорон иһэр. Ааспыт 2023 сыл туһааннаах кэмигэр СХППК «Эйик» 81,0 туонна оту кэбиһэн былаанын 62,3 бырыһыан толорон испит эбит.
Оройуон таһымыгар элбэх төбө сылгыны иитэр Өлөөн национальнай нэһилиэгэ 15,0 туонна от былаанын 12,0 туонна оту кэбиһэн былаанын 80,0 бырыһыан толорон иһэрин бэлиэтиэххэ наада.
Бу дьыллааҕы от хомуурун үлэтигэр тэрээһиннээх үлэни көрдөрөннөр «Кулунчук» Аҕа ууһун общината (баһылык Васильев П.Х.), «Хаптаҕастаах» Аҕа ууһун общината (баһылык Никифоров М.Г.), ИП «Алиев А.Т.» оту бэлэмниир сезоннааҕы сорудахтарын 100,0 % толорору хааччыйдылар.
Маны тэҥэ «Үрэн» Аҕа ууһун общината (баһылык Караваев А.В.) от хомуурун отчуотун түһэрбэккэ бэрээдэгэ суоҕун көрдөрдө. Бу күннэргэ от хомуурун үлэтин тэрийиигэ сылаас күннэри туһанан былааны толорууга эбии дьаһаллары олохтооһун хааччыллыахтаах.
Николай Стручков
фото из телеграмм-канала Л.С. Ивановой