Синильгэн — эбэҥкилии маҥнайгы хаар диэн төрүт тылынан ааттаан, айылҕа кэрэ көстүүтүн бүтүн сэлиэнньэ олохтоохторун ыҥырыылаах, көхтөөх кыттыылаах, олус көрдөөх-нардаах, айхаллаах бэлиэтээһинэ буолан ааспыта.
Тэрээһин алгыстан саҕаланан эрдэ биллэриллибит, бигэргэммит балаһыанньанан, нэһилиэк түөлбэлэрэ туруорбут хамаандалара национальнай эстафетаҕа күрэхтэстилэр.
Хамаанда састаабыгар биирдии эр киһи, уол оҕо, дьахтар уонна кыыс оҕо киирдилэр.
Бастакы “Арун” түөлбэттэн Вагин Владимир уолунаан Мирослав Вагинныын (7 кылаас үөрэнээччитэ), иккис Ирина Михайловна Тимофеева, Вагина Влада (3-с кылаас үөрэнээччитэ), үһүс «Гарпалин» түөлбэттэн Николаев Леонид уолунаан Тамир Николаевтыын (8 кылаас үөрэнээччитэ), Елена Степановна Тихонова, Томская Саша (11 кылаас үөрэнээччитэ), төрдүс «Неравумни» түөлбэттэн Иванов Альберт уолунаан Айдын Ивановтуун (8 кылаас үөрэнээччитэ), Анна Юрьевна Зоркина, Алексеева Сандра (9 кылаас үөрэнээччитэ) кыттыыны ыллылар.
Түөлбэлэр балаакка туруоран, хас биирдии хамаанда эр дьоно уонна уолаттар мас хайытан, оһох оттон, ойбонтон чаанньыкка уу баһан оргуттулар, дьахталлар кыргыттары кытта тиэстэ буккуйан оһоххо алаадьы буһардылар.
Курэхтэһии түмүгүнэн бастакы миэстэни «Неравумни» түөлбэ хамаандата таҕыста, иккис миэстэ “Гарпалин”, үһүс миэстэ «Арун».
Национальнай эстафета кэнниттэн үгэскэ кубулуйбут муус ылыытыгар күрэхтэһии ыытылынна. Быйыл иккис сылын түөлбэлэр хамаанда туруоран күөн көрсөллөр. Быйыл хамаанда састаабыгар үс эр киһи, биир уол оҕо кыттыыны ыллылар. Бастакы «Арун» түөлбэттэн Сергей Тимофеев, Григорий Егоров, Владислав Николаев, Миша Федоров, (9 кылаас үөрэнээччитэ), үһүс “Гарпалин” түөлбэттэн Павел Комбагир, Владлен Николаев, Леонид Николаев, Тамир Николаев (8 кылаас үөрэнээччитэ), төрдүс “Неравумни” түөлбэттэн Христофор Васильев, Айсен Семенов, Альберт Иванов, Никита Егоров (11 кылаас үөрэнээччитэ) кыттыыны ыллылар. Күрэхтэһии түмүгүнэн бастакы миэстэни «Арун» түөлбэ, иккис миэстэни “Гарпалин” түөлбэ, үһүс миэстэни “Неравумни” түөлбэ ыллылар.
Тэрээһиҥҥэ кыттыбыт хамаандалар бары уу харчынан, ону тэҥэ национальнай эстафета кыттыылаахтара «Мобайл» маҕаһыынтан атыылаһарга сертификаттарынан наҕараадаланнылар. Тэрийээччинэн уонна спонсорынан олохтоох дьаһалта буолла.
Бэлэмнэммит муус бэтэрээннэргэ, доруобуйаларынан хааччахтаах дьоҥҥо, анал байыаннай дьайыы кыттыылаахтарын дьиэ кэргэттэригэр таһаарылынна. Бары кыттыыны ылбыт хамаандаларга, түөлбэ салайааччыларыгар барҕа махталбытын тиэрдэбит.
Марианна Егорова, общкорр., Кирбэй баһылыгын солбуйааччы