Саха Өрөспүүбүлүкэтин эбэҥкилэрин самаан сайыны көрсөр Бакалдын бырааһынньыгар аҕыйах ахсааннаах Солоҕоон национальнай нэһилиэгин олохтоохторо (баһылык Васильева Н.И.) олох чуум көрүүтүгэр кыттан бастакы миэстэҕэ тахсан биир дойдулаахтарын үөртүлэр. Бу туһунан Солоҕоон национальнай нэһилиэгин кырдьаҕастарын Сэбиэтин бэрэссэдээтэлэ Уйбаан Баһылыйап “Сардаҥа” хаһыат кэрэспэдьиэнигэр үөрэн-көтөн туран иһитиннэрдэ.
Салгыы Солоҕооннор ааттарыттан “Дьиэ кэргэн” көрүүтүн (Дюган – мутни энэсти) күрэҕэр кыттыбыт Дуунньа, Өлөксөй Уваровскайдар дьиэ кэргэттэрэ биэс буоланнар кыайыы өрөгөйүн өрө тутан биир дойдулаахтарын үөртүлэр.
Маны сэргэ үүнэн иһэр талааннаах ырыаһыт Руслан Винокуров ырыа куонкуруһугар ситиһиилээхтик кыттан Солоҕооннор үөрүүлэрин үрдэттэ.
Николай СТРУЧКОВ