Өлөөн улууһугар төрүччүнү үөрэтии 90 сыллартан саҕаланан барбыта. Өбүгэ ситимин, урууну-аймаҕы билии киһиэхэ улахан суолталаах.
Өлөөн оройуонугар саамай тарҕаммыт араспаанньаларынан Семеновтар, Сергеевтар, Ивановтар, Николаевтар, Христофоровтар, Даниловтар, Павловтар, Дмитриевтар. Ээйиккэ Кучаровтар, Чыларовтар, Боековтар, Оленевтар, Соломоновтар, Сабардаховтар тэнийэн олороллор, Дьэлиҥдэҕэ Евстафьевтар, Декоямовтар, Наумовтар, Анисимовтар уонна да атыттары ааттыахха сөп. Төрүттэри үөрэтии ыччаттарга кимтэн силистээхтэрин, туохха, ханнык кыылга, көтөргө сүгүрүйүөхтээхтэрин билэллэригэр төһүү буолар. Кэлиҥҥи кэмҥэ орто саастаах дьон маннык үлэни ыыталлара элбээн иһэр.
Ол курдук, Өлөөн нэһилиэгэр муус устар 17 күнүгэр “Киэҥ сиринэн” тайаан диэн ааттанан тахсыбыт кинигэ сүрэхтэниитэ ыытылынна. Киирии тылынан кинигэни таһаарыыга архыыбтарынан, аҕам саастаах дьонтон ыйыталаһан, бэлиэтэнэн, сурукка киллэрэн үлэлээбит Галина Христофоровна Долгунова — Саха Өрөспүүбүлүкэтин бэчээтин туйгуна, Саха өрөспүүбүлүкэтин Култууратын туйгуна, Арассыыйа суруйааччыларын сойууһун чилиэнэ, Надежда Николаевна Александрова — Саха Өрөспүүбүлүкэтин Ил Дарханын уонна Саха Өрөспүүбүлүкэтин Бырабыыталыстыбатын дьаһалтатын гражданнар уонна тэрилтэлэр туруорсууларын уонна иһитиннэриилэрин кытта үлэ Управлениетын отделын салайааччыта, Саввинова Уруйдаана Юрьевна — Үөһээ Бүлүү улууһугар история уонна этнография түмэлин дириэктэрэ, кыраайы үөрэтээччи. Александр Иванович Кириллов — Алроса «Информационнай технология» ХЭТ сүрүннүүр исписэлииһэ, кинигэҕэ суруллуохтаах матырыйааллары булууга хайдах үлэлээбиттэрин туһунан кэпсээтилэр. Кинигэ таһаарыыта архыыптарынан көрдөөн буларга бириэмэни ылар. “Киэҥ сиринэн тайаан” диэн кинигэ ааҕаачччыга тиийэн удьуору-ууһу утумнааччыларга туһалаах буолуон саарбахтаабаппын. Раиса Семеновна ийэтэ Анна Федоровнаттан куруук ыйыталаһан, аймахтарыгар биллэрэ, чинчийэр баҕалаах буолан кинигэ тахсыытыгар көмөтө улахан уонна сыаналаах.
— Маалгы аҕа ууһун туһунан Анна Егоровна Иванова (Хомпо Бааска Ааната) кэпсээн хаалларбыта. Баппат кыргыттарыттан биирдэстэрэ Вера Васильевна Николаева Бүлүүгэ баран олоро сылдьан элбэх аймахтарын булбута, ол наһаа көмөлөстө. Маалгы уола баппат Баһылай кэпсээн хаалларбытын туһанныбыт. Норуокка биллэр ааттары билэр наада эбит, итинник ааттарынан киһини буларга үчүгэй. Маннык үлэни оҥорорго, матырыйаалы хомуйарга атыҥҥа туохха да аралдьыйбакка үлэлээтэххэ тахсан иһэр. Урукку үйэҕэ олорон ааспыт өбүгэлэрбит сыдьааннарын туһунан үөрэтиэх иннинэ сиэри-туому тутуһан көҥүл ылар булгуччулаах эбит. Бастаан саҕлыырбытыгар түүлбүтүгэр да киирэн түгэннэрэ бааллар этэ. Үлэлээн истэх аайы суол арыллан кинигэ тахсыбытын кэннэ да өссө элбэх информация кэлэр. Төрүччүлэрин туһунан үөрэтэ сылдьар дьон дьиҥинэн элбэхтэр — Галина Долгунова санаатын үллэһиннэ.
— Ыытыллыбыт үлэ түмүгүнэн элбэҕи биллибит, элбэх информацияны Галина Христофоровнаттан биллим. Саастаах дьону, аймахтары кытта эдэр сылдьан элбэхтик алтыспатахпыт. Арай аҕабыттан истэрим диэн Маалгы Баһылай диэн этэ, хаһыс үйэҕэ олорбут киһиний диэн токкоолоһуу суох этэ.
19 үйэ иккис аҥаарыгар, 20 –с үйэ саҕаланыытыгар олорон ааспыт киһи. Кини олорбут сирин аатынан көһүннэҕэ дии, топонимика диэн сирдэр ааттара баар буоланнар, Багдарыын Сүлбэ наһаа улахан суолталаах үлэни оҥорон хаалларбыт диэн сыаналаатым — диэтэ Надежда Александрова.
Өлөөн эбэҥки национальнай оройуонун Аҕа баһылыгын бастакы солбуйааччы Альгис Семенович Сергеев, улуус култуураҕа салаатын салайааччыта Надежда Прокопьевна Николаева Киэҥ сиринэн тайаан Сергеев аҕа ууһун төрүччүлэрин кинигэтэ оҥоһуллан тахсарыгар, күн сирин көрбүтүнэн эҕэрдэлээтилэр уонна ааптардарга, Үөһээ Бүлүү түмэлин үлэһиттэригэр Махтал суруктары туттардылар. Тэрээһиҥҥэ улуус уопсастыбаннаһа кытынна, санааларын үллэһиннилэр Вера Ларионова, Раиса Аммосова, Наталья Бенчик, Надежда Колодезникова. “Киэҥ сиринэн тайаан” кинигэ сүрэхтэниитин тэрээһинин олус истиҥник иилээн-саҕалаан ыытта оҕону эбии үөрэхтээһин педагога Василиса Христофоровна Белолюбская.
От лица всех, кому дорога история родного края и память о предках, выражаем искреннюю благодарность Администрации Оленекского эвенкийского национального района в лице первого заместителя главы Сергеева А.С. и Управлению культуры Оленекского района в лице Николаевой Н.П. за прекрасную организацию и проведение презентации книги «Киэн сиринэн тайаан», посвящённой родословной рода Сергеевых.
Надеемся, что благодаря вашему вниманию и поддержке это важное культурное событие стало настоящим праздником для жителей района. Подготовка и проведение мероприятия были выполнены на высоком уровне, что позволило создать тёплую, душевную атмосферу и подчеркнуть значимость сохранения семейных традиций и исторической памяти.
Отмечаем личный вклад сотрудников Управления культуры, которые вложили душу в организацию встречи, и поблагодарить руководство района за внимание к таким значимым инициативам. Ваша работа способствует укреплению интереса к истории родного края, развитию культурных связей и воспитанию уважения к своим корням.
Желаем вам дальнейших успехов, новых интересных проектов! Пусть такие мероприятия продолжают объединять людей и вдохновлять на изучение истории рода.
По вопросу приобретения книги просим обращаться по телефонам 89142611573, 89248694987 (Долгунова Галина Христофоровна).
От имени авторов Александрова Надежда Николаевна
Надежда КОЛОДЕЗНИКОВА.