Бу күннэргэ Саха сиригэр уу көтөрүн уонна мас көтөрүн сааскы бултааһын болдьохторо билиннилэр. Онон Саха сиригэр 2026 сыллааҕы сааскы булт сезонугар көтөр кынаттааҕы бултааһыҥҥа лиссиэнсийэлэри биэрии саҕаланна. Экология министиэристибэтэ булчуттарга бултка көҥүлү эрдэттэн ыларгытыгар сүбэлиир. Ол курдук, тыыннаах подсадной кустары туһанан атыыр куһу бултааһын Саха сиригэр муус устар 25 күнүттэн саҕаланар.
Уу көтөрүн подсадной куһа суох бултааһын болдьоҕун зоналарынан наардаан быһаардылар.
Дьэ, онон үһүс зонаҕа киирсэр Абый уонна Өлөөн оройуоннара, ону тэҥэ Айхал бөһүөлэгин уонна Удачнай куорат оройуонун (3 зона) бултуур сирдэригэр ыам ыйын 31 күнүттэн бэс ыйын 5 күнүгэр диэри бултуохтара.
Мас көтөрүн бултааһын өрөспүүбүлүкэ бары оройуоннарыгар ыам ыйын 7 күнүттэн 16 күнүгэр диэри көҥүллэнэр. Мас көтөрүн бултааһын көҥүлүн Саха сирин экологияҕа министиэристибэтин бары сирдээҕи-уоттааҕы салааларыгар биэрэллэр. Ол эбэтэр өлөөннөр Экологияны судаарыстыбанан кэтээн көрүүгэ иниспиэксийэтиттэн ылаллар.
Күүтүүлээх сааскы булт кэмэ саҕаланара чугаһаата. Онон көҥүлү ыларгытын умнумаҥ.
Женни СТРЮКОВА,
«Сардаҥа» хаһыат.