Бу дьыл алтынньый ый 6 күнүгэр Өлөөн сэлиэнньэтинээҕи оҕо спортивнай оскуолатыгар сарсыарда 10 чаастан аҕам саастаах сэлиэнньэ олохтоохторугар, спартакиада үөрүүлээхтик арылынна.
Успуорт бэтэрээнэ, өрөспүүбүлүкэтээҕи категориялаах судьуйа Николай Семенович Семеновы салалтатынан аҕам саастаах спартакиада кыттыылаахтара бодьолорун тардыынан спортивнай форманан икки колоннаҕа арахсан параадтаан киирбиттэрин кэннэ спортсменнар күрэхтэһиигэ бэлэмнэрин туһунан рапорт бэрилиннэ.
Спартакиада кыттыылаахтарын итиитик-истиҥник эҕэрдэлээтилэр Гаврильева Валентина Саввична – оройуон бэтэрээннэрин Сэбиэтин бэрэссэдээтэлэ, Колодезникова Туяра Васильевна – социальнай харалта управлениетын начальнига, Федорова Ия Прокопьевна – оҕо спортивнай оскуолатын бэрэстэбиитэлэ, Павлова Туяра Егоровна – оройуон дьаһалтатын баһылыгын социальнай боппуруостарга солбуйааччы. Салгыы аҕам саастаах оройуон олохтоохторун спартакиада үөрүүлээхтик арыллан, икки хамаандаҕа арахсан күрэхтэһиилэр саҕаланнылар.
Сонуннарга анаан Николай Стручков