Өлөөн улууһугар адьырҕа бөрөлөр тыа хаһаайыстыбатын салаатыгар эмиэ үгүс хоромньуну таһаараллар. Онон сибээстээн, Саха Өрөспүүбүлүкэтигэр Булчут күнүн көрсө куонкуруска кыттаргытыгар ыҥыраллар.
Бу куонкурус кыылы-сүөлү харыстааһыҥҥа көмөлөһөр туһуттан адьырҕа кыыллар ахсааннарын сүрүннүүргэ туһаайыллар. Ону тэҥэ бөрөһүттэр бастыҥ уопуттарын тарҕатыыга көмөлөһүөҕэ. Уонна эдэрдэри өбүгэ саҕатан кэлбит төрүт дьарыкка — булка сысталларыгар угуйуоҕа.
“Биологическай ресурсалар, ураты харыстанар айылҕалаах сирдэр уонна аан айылгылар дириэксийэтэ” “(Дирекция биологических ресурсов, особо охраняемых природных территорий и природных парков”) СӨ СБТ Кадастар уонна биология баайын кэтээн көрүүгэ управлениетыгар кыттыаххытын баҕарар буоллаххытына, сайаапката түһэриҥ. Маннык аадырыска: Дьокуускай к., Дзержинскэй уул., 3/1 каб 20 эбэтэр guohota@mail.ru электроннай почтанан. “Лучший охотник-волчатник” диэн бэлиэтээн ыытаргытын умнумаҥ.
Куонкуруска 2026 сыл муус устар 1 күнүгэр 18.00 чааска диэри киирбит сайаапкалаах дьон кытталлара көҥүллэнэр.
Ыйыталаһар төлөпүөн: + 89991740102
Женни Стрюкова, «Сардаҥа» хаһыат
Хаартыска «Саха Сирэ» хаһыат архыыбыттан