Бүгүн Өлөөн сэлиэнньэтин олохтоохторо сарсыарда эрдэттэн А.С. Иванов аатынан “Илкит” этнокултуура киинигэр Арассыыйа Бэрэсидьиэнин быыбарыгар кытта муһуннулар.
Сарсыарда 8 чааска кураннар охсууларынан бырааһынньыктыы киэргэтиллибит этнокултуура Киинин саалатыгар быыбардыыр учаастак арылынна. Бу эппиэттээх күн бастакынан үлэ бэтэрээннэрэ Раиса Ануфриевна Юшкевич, Зоя Давыдовна Григорьевна, Люция Федоровна Илларионова, улуус баһылыгын солбуйааччы Иван Саввинов, Өлөөннөөҕү уот ситимин салайааччыта Станислав Гудзь уо.д.а. куоластаатылар.
Өлөөннөөҕү быыбардыыр учаастагы кытта биир бириэмэҕэ Харыйалаахтааҕы, Дьэлиҥдэтээҕи уонна Ээйиктээҕи быыбардыыр учаастактарга Российскай Федерация Бэрэсидьиэнин быыбара үрдүк тэрээһиннээхтик, быыбардааччылар күргүөмнээхтик кыттыыларынан саҕаланна.
Николай Стручков