Кыайыы 80 сылын көрсө бүтүн Саха сирин бэтэрээннэрэ бэлэмнэнии үлэтин былаанын уонна инники соруктарын сүбэлэстилэр .
Ол курдук, бу дьыл олунньу 20 күнүгэр Дьокуускай куоракка бэтэрээннэр өрөспүүбүлүкэтээҕи Сүбэ мунньахтарын V-с Пленума ыытылынна.
Манна эрэгийиэн үгүс улуустара видеоконференцияҕа холбонон кытыннылар.
Кэккэ улуустары кытта кэпсэтиигэ кыттан, кылгас дакылааты Өлөөн оройуонун кырдьаҕастарын уонна бэтэрээннэрин сэбиэтин бэрэссэдээтэлэ Гаврильева Валентина Саввична аахта. Онно, кини улууска туох үлэлэр ыытылла сылдьалларын кэпсээтэ. Өлөөн бэтэрээннэрин актыыбынай кыттыыларын иһин өрөспүүбүлүкэтээҕи бэтэрээннэр Сэбиэттэрин бэрэссэдээллэрэ махталын биллэрдэ.
Пленум үлэтигэр кыттыыны ыллылар оройуоннааҕы бэтэрээннэр Сэбиэттэрин чилиэннэрэ, ол иһигэр Кирбэйдээҕи Сэбиэт бэрэссэдээтэлэ Василиса Христофоровна Белолюбская уонна сэрии оҕото, норуот үөрэҕириитин бэтэрээнэ Клавдия Григорьевна Киреева.
Бу буолаары турар Кыайыы 80 сылыгар элбэх тэрээһиннэр ыытыллыахтара, онно бары аҕам саастаах араҥаны актыыбынай кыттыыны ыларгытыгар ыҥырабыт
Николай Ниманов