Арассыыйаҕа ютубу (Yotube) солбуйар «Платформа» диэн саҥа Арассыыйатааҕы видеохостинг сиэрбиһин үлэлэттилэр.
Саҥа сиэрбиһи оҥоруу идиэйэтэ, бастатан туран, АХШ платформатыттан Арассыыйатааҕы судаарыстыбаннай уонна патриотическай тыыннаах блогердар ханаалларын араарыытын кытары сибээстээх. Бу туһунан РОЦИТ ТГ-ханаалыгар суруйдулар.
Санаттахха, 2020 сыл саҕаланыаҕыттан YouTube сиэрбиһиттэн Арассыыйа бары судаарыстыбаннай уонна патриотическай тыыннаах блогердар ханаалларын үлэлэрин тохтоппута. Ол төрүөтүгэр Арассыыйа айтишниктара ютубу солбуйар уонна майгынныыр саҥа «Платформа» сиэрбиһи оҥордулар.
Сиэрбискэ 4К кыамталаах видеолары көрүөххэ, быһа эпиирдэри ыытыахха сөп. Маны таһынан кылгас уонна туруору видеолары угаҕын, ону кытта субтитры эмиэ туһанаҕын. Уратыта диэн «Платформа» сиэрбискэ «ВКонтакте» уонна YouTube сиэрбистэриттэн ааптардар видеоларын хачайдаан ылар кыахтаналлар.
Хаартыскалар: куйаар аһаҕас ситимиттэн